sauditamil
ஸவுதி வரலாற்று நெடுகிலும் ஒப்பந்தங்களைப் பாதுகாக்கும் நாடு என்று பெயர் பெற்றது சர்வதேச ரீதியாக அடுத்த நாடுகளின் நம்பிக்கையை அது தக்க வைத்துள்ளது. யாவரும் அறிந்ததே.
அதை விடவும் அதிகமான அண்டை நாடுகளை பாதுகாப்பதிலும் கருத்து முரண்பாடுகளை மறந்து தேவையான சந்தர்ப்பங்களில் உதவுவதும் ஸவுதியின் மாறாத பன்பாக இருந்துவருகின்றது.
குவைத்துக்கு எதிராக ஸதாம் போராடியபோது குவைத் நாட்டவருக்காக தன் நாட்டின் அனைத்து வழங்களையும் திறந்துகொடுத்தது ஸவுதி அவர்களின் பிரச்சினை முடியும் வரை அவர்களுக்கு தேவையான அனைத்து வசதிகளையும் செய்துகொடுத்ததோடு அவர்களின் நாட்டை மீட்டு உரியவர்களிடம் ஆட்சியையும் ஒப்படைத்து அவர்களையும் தங்கள் நாடுகளுக்கு கௌரவமாக திருப்பி அனுப்பியது.
பஹ்ரைனில் பிரச்சினை என்றபோது அவர்களுக்கும் அவ்வாறான உதவிகளைச் செய்தது.
இதன் தொடரில் தற்காலத்தில் மத்திய கிழக்கில் ஏற்பட்டுள்ள பிரச்சினையில் கப்பல் போக்குவரத்திற்கு மிகவும் முக்கியமான ஹுர்முஸ் ஜல சந்தி மூடப்பட்டு பொருளாதார ரீதியான நெருக்கடியும், தேவையான அத்தியவசியப்பொருட்களை நாட்டுக்குள் தருவிக்க முடியாத நிலையும் உருவாக்கப்பட்டு, எல்லா நாடுகளும் தாக்கப்பட்டுக்கொண்டிருக்கும் இவ்வேளையில் இவ்வாறு ஒன்று எதிர்காலத்தில் நடந்தால் அடுத்த தீர்வு என்ன என்பதை முற்கூட்டியே சிந்தித்து எம்புஃ துறைமுகத்தை ஏற்பாடு செய்திருந்த ஸவுதி அரேபியா இன்று அதைப் பயன்படுத்தி மத்திய கிழக்கில் நிர்க்கதியாகியுள்ள நாடுகளுக்கு தேவையான அனைத்துப் பொருட்களையும் தங்கு தடையின்றி வழங்கிக் கொண்டிருக்கின்றது.
நாடுகள் தாக்கப்பட்டபோதும் அங்கு வாழ்கிறவர்கள் எந்தப் பிரச்சினையும் இல்லாது வாழ்ந்கிறார்கள் என்றால் அது ஸவுதியின் இந்தப் பரந்த திட்டமிடல் மற்றும் அதைப் பயன்படுத்தி தரைமார்க்கமாக அடுத்த நாடுகளுக்கு தேவையான பொருட்களை இரவு பகலாக அனுப்புவதுமே பிரதான காரணமாகும்.
ஸவுதிக்கு எமிரேட்ஸுடன், கடாருடன் முரண்பாடுகள் உள்ளது ஆனால் இந்த பிரச்சினையான காலத்தில் அதைப் பார்க்கக்கூடாது என்ற அடிப்படையில் அவைகளுக்கு தேவையானவை தங்கு தடையின்றி சென்றுகொண்டிருக்கிறது துறைமுகத்தில் ஒவ்வொரு பகுதி ஒவ்வொரு நாடுகளுக்கும் ஒதுக்கப்பட்டுள்ளது. ஸவுதியின் விமான நிலையங்களும் ஒவ்வொரு நாடுகளின் தேவைகளுக்காகவும் பிரித்துக்கொடுக்கப்பட்டுள்ளது. ஸவுதியின் இந்தப் பரந்த சேவையும் விரிந்த மனதும்தான் இவ்வளவு காலமாக ஸவுதியுடன் அண்டை நாடுகளை கட்டிப்போட்டிருக்கிறது என்றால் அது மிகையல்ல.
Admin
