Admin
டாவோஸ் நகரில் நடைபெற்று வரும் உலகப் பொருளாதார மன்றத்தில் (Davos 2026), ‘சவூதி இல்லம்’ (Saudi House) அரங்கில் நடைபெற்ற கலந்துரையாடலில், சவூதி தகவல் தொடர்பு மற்றும் தொழில்நுட்பத் துறை அமைச்சர் பொறியாளர் அப்துல்லா அல்-ஸ்வாஹா (Eng. Abdullah Alswaha) இன்று (புதன்கிழமை) கலந்துகொண்டு பேசினார்.
அவர் வெளியிட்ட முக்கியத் தகவல்கள்:
1. பட்டத்து இளவரசரின் 3 புதிய உத்திகள்: சவூதி அரேபியாவின் பட்டத்து இளவரசர் முஹம்மது பின் சல்மான் அவர்கள் விரைவில் மூன்று முக்கிய உத்திகளை (Strategies) அறிவிக்கவுள்ளார்.
- அதில் ஒன்று, சவூதி அரேபியாவை உலகின் சிறந்த 5 செயற்கை நுண்ணறிவு (AI) மையங்களில் ஒன்றாக மாற்றுவதாகும்.
- உலகிலேயே செயற்கை நுண்ணறிவை அதிகம் பயன்படுத்தும் மற்றும் செயல்படுத்தும் நாடாகச் சவூதியை மாற்றுவதே இதன் லட்சியம்.
2. மருத்துவத் துறையில் AI புரட்சி: சவூதி அரேபியா மருத்துவம் மற்றும் உயிரியல் துறைகளில் AI மூலம் பல புதிய கண்டுபிடிப்புகளை நிகழ்த்தியுள்ளது.
- ரோபோடிக் அறுவை சிகிச்சை: ரோபோக்களைக் கொண்டு அறுவை சிகிச்சைகள் மேற்கொள்ளப்படுகின்றன.
- நேர மிச்சம்: மனித முயற்சியால் பல வாரங்கள் ஆகக்கூடிய சிக்கலான பணிகளை, AI உதவியுடன் சில மணிநேரங்களில் முடிக்க முடிகிறது.
3. அமெரிக்காவுடன்க் கூட்டணி (டிரம்ப் – MBS சந்திப்பு): அமெரிக்காவுடன்ச் சவூதி அரேபியா வலுவான கூட்டாண்மையைக் கொண்டுள்ளது.
- கடந்த அக்டோபர் 2025-ல், பட்டத்து இளவரசர் மற்றும் அமெரிக்க அதிபர் டொனால்ட் டிரம்ப் (President Donald Trump) ஆகியோருக்கு இடையிலான சந்திப்பில், தொழில்நுட்ப நிபுணத்துவத்தைப் பரிமாறிக்கொள்வது குறித்தும், சவூதி-அமெரிக்கக் கூட்டாண்மை குறித்தும் விவாதிக்கப்பட்டது.
- உலக நாடுகள் அனைத்திற்கும் சேவை செய்யும் வகையில் சிறந்த தொழில்நுட்ப மையங்களை உருவாக்குவதே இதன் நோக்கம்.
4. உள்கட்டமைப்பு மற்றும் வேகம்:
- எரிசக்தி, எண்ணெய் மற்றும் எரிவாயுத் துறைகளில் AI பயன்பாடு அதிகரிக்கப்பட்டுள்ளது.
- சிப் தயாரிப்பு (Chips) மற்றும் திறன் மேம்பாட்டில் சவூதி கவனம் செலுத்துகிறது.
- முன்பு பல ஆண்டுகள் பிடித்த திட்டங்கள், தற்போது தொழில்நுட்ப உதவியுடன் 6 மாதங்களில் முடிக்கப்படுகின்றன.
சவூதி அரேபியா தற்போது சொந்தமாக AI மையங்களை உருவாக்கும் திறனையும், நிபுணர்களையும் கொண்டுள்ளது என்றும், இதன் மூலம் பிற நாடுகளுக்கும் சேவை செய்ய முடியும் என்றும் அமைச்சர் நம்பிக்கையுடன் தெரிவித்தார்.
