Admin
பட்டத்து இளவரசரும், பிரதம மந்திரியுமான இளவரசர் முஹம்மது பின் சல்மான் அவர்களின் பிரதிநிதியாக, வெளியுறவு அமைச்சர் இளவரசர் ஃபைசல் பின் ஃபர்ஹான், இன்று (திங்கட்கிழமை) எகிப்திற்கு வந்து சேர்ந்தார். காசாப் பகுதியில் போரை முடிவுக்குக் கொண்டு வருவதற்கான ஒப்பந்தம் கையெழுத்தாக இருக்கும் ஷர்ம் எல் ஷேக் அமைதி உச்சி மாநாட்டில் சவுதி அரேபிய இராச்சியத்தின் தூதுக்குழுவுக்குத் தலைமை தாங்குவதற்காக அவர் வருகை தந்துள்ளார்.
எகிப்திய நகரமான ஷர்ம் எல் ஷேக், இன்று காசாவில் அமைதி குறித்த உச்சி மாநாட்டை நடத்துகிறது. கத்தார் அமீர், ஜோர்டான் மன்னர், துருக்கி, இந்தோனேசியா, பிரான்ஸ், சைப்ரஸ், அஜர்பைஜான் ஆகிய நாடுகளின் அதிபர்கள், ஈராக், பாகிஸ்தான், பிரிட்டன், கனடா, இத்தாலி, ஸ்பெயின், கிரீஸ், நார்வே ஆகிய நாடுகளின் பிரதமர்கள் மற்றும் ஜெர்மனியின் சான்சலர் உட்பட சுமார் 20 அரபு, இஸ்லாமிய மற்றும் மேற்கத்திய நாடுகளின் தலைவர்கள் இதில் பங்கேற்கின்றனர்.
