சவூதி அரேபியா, தேச ஒருங்கிணைப்புக்குப் பிறகு, நாட்டின் வளர்ச்சிக்கான தொலைநோக்குத் திட்டங்களைச் செயல்படுத்தி வருகிறது. பொருளாதாரம், வர்த்தகம், மத வழிபாட்டு மையங்களில் பெரும் முன்னேற்றத்தை ஏற்படுத்திய ஏழு முக்கியத் திட்டங்களைப் பற்றிய தகவல்கள் கீழே தொகுக்கப்பட்டுள்ளன.

7 முக்கியத் திட்டங்களும் அதன் சிறப்பம்சங்களும்:

* மக்கா (கி.பி. 1925 / ஹிஜ்ரி 1344): புனித ஹரம் பள்ளிவாசல் சேவை மற்றும் அதன் விரிவாக்கப் பணிகள் தொடங்கப்பட்டன. இது, உலகெங்கிலும் இருந்து வரும் ஹாஜிகளுக்குப் பெரும் வசதியை ஏற்படுத்தியது.

* அல்-கார்ஜ் (கி.பி. 1935 / ஹிஜ்ரி 1354): அல்-கார்ஜ் விவசாயத் திட்டம் தொடங்கப்பட்டது. இது, உணவு உற்பத்தியில் சுயசார்பை நோக்கி நாட்டை நகர்த்தியது.

* அல்-கஸ்ஸீம் (கி.பி. 1947 / ஹிஜ்ரி 1366): புரைதா விமான நிலையம் உருவாக்கப்பட்டு, உள்நாட்டுப் போக்குவரத்து எளிதானது.

* வடக்கு எல்லைகள் (கி.பி. 1947 / ஹிஜ்ரி 1366): அரபு நாடுகளின் வழியாக எண்ணெய் குழாய் பதிக்கும் (Trans-Arabian Pipeline) திட்டம் தொடங்கப்பட்டது. இது, எண்ணெய் வர்த்தகத்தில் சவூதி அரேபியாவின் பங்கை உலகளவில் உறுதிப்படுத்தியது.

* கிழக்கு மாகாணம் (கி.பி. 1950 / ஹிஜ்ரி 1369): மன்னர் அப்துல் அஜீஸ் பெயரில் தம்மாம் துறைமுகம் திறக்கப்பட்டது. இது, நாட்டின் பிரதான வர்த்தக நுழைவாயிலாக அமைந்தது.

* மதீனா (கி.பி. 1951 / ஹிஜ்ரி 1370): மாநபியின் பள்ளிவாசல் விரிவுபடுத்தப்பட்டது. இது, புனித ஹஜ் உம்ரா யாத்திரை வருபவர்களுக்கு மிகவும் உதவியாக இருந்தது.

* ரியாத் (கி.பி. 1951 / ஹிஜ்ரி 1371): ரியாத், தம்மாம் நகரங்களை இணைக்கும் ரயில்பாதை திறக்கப்பட்டது. இது, சரக்குப் போக்குவரத்து மற்றும் பயண நேரத்தைக் குறைத்தது.

இந்தத் திட்டங்கள் அனைத்தும், சவூதி அரேபியா தனது ஒருங்கிணைப்புக்குப் பிறகு, நவீனமயமாக்கல் மற்றும் வளர்ச்சிக்கான அடித்தளத்தை எவ்வாறு அமைத்தது என்பதைத் தெளிவாக விளக்குகின்றன.