கலாநிதி: அப்துல் சத்தார் (மதனி)

​சவூதி அரேபியா: புனித மிகு ரமழான் மாதத்தை முன்னிட்டு, மக்கா அல்-ஹரம் மற்றும் மதினா அல்-நுபவி ஆகிய இரு பெரும் புனித பள்ளிவாசல்களில் இஃதிகாஃப் இருப்பதற்கான உத்தியோகபூர்வ முன்பதிவுகள் தொடங்குவதாக அறிவிக்கப்பட்டுள்ளது.

ஆன்மீகப் பயணத்தை மேற்கொள்ள விரும்பும் ஆர்வலர்கள் இதற்கான விண்ணப்பங்களை இணையவழியில் சமர்ப்பிக்கலாம்.

​முக்கிய திகதிகள் மற்றும் காலக்கெடு

​முன்பதிவு ஆரம்பம்:

மார்ச் 5, 2026 (வியாழக்கிழமை) – சவூதி நேரப்படி காலை 11:00 மணி.

​முன்பதிவு முடிவு: அனுமதிக்கப்பட்ட இடங்கள் நிரம்பியவுடன் விண்ணப்பங்கள் ஏற்றுக்கொள்வது நிறுத்தப்படும்.​இஃதிகாஃப் காலம்: ரமழான் 20-ஆம் இரவில் தொடங்கி ஈதுல் பித்ர் (பெருநாள்) இரவு வரை.

​விண்ணப்பிப்பதற்கான தகுதிகள்:

​இஃதிகாஃப் சேவையைப் பெற விரும்புவோர் பின்வரும் நிபந்தனைகளை பூர்த்தி செய்திருக்க வேண்டும்:

​விண்ணப்பதாரர் குறைந்தபட்சம் 18 வயது பூர்த்தியடைந்தவராக இருக்க வேண்டும்.

​செல்லுபடியாகும் இகாமாவோ (வசிப்பிட அனுமதி), அல்லது தரிசிப்பு (Visit) விசா, அல்லது உம்ரா விசா வைத்திருக்க வேண்டும்.

​சமீபத்தில் எடுக்கப்பட்ட புகைப்படத்தை சமர்ப்பிக்க வேண்டும்.

​சரிபார்ப்புக் குறியீட்டை (OTP) பெறுவதற்குச் சவூதி அரேபிய தொலைபேசி எண் அவசியமாகும்.

​விண்ணப்பிக்கும் நடைமுறை

​விண்ணப்பதாரர்கள் பின்வரும் எளிய வழிமுறைகளைப் பின்பற்றித் தங்களை முழுமையாகப் பதிவு செய்து கொள்ளலாம்:

​அதிகாரப்பூர்வ இணையதளம்: முதலாவதாக https://alharamain.gov.sa என்ற இணையதளத்திற்குச் செல்லவும்.

​சேவையைத் தொடங்குதல்: இணையதளத்தில் உள்ள “Start Service” (சேவையைத் தொடங்கு) என்பதை அழுத்தவும்.

​உள்நுழைதல்: ‘நபார்’ (Nafath) முறைமை மூலமாக உள்நுழையவும் அல்லது புதிய கணக்கை உருவாக்கவும்.

​இடத்தைத் தேர்வு செய்தல்:

மக்கா அல்-ஹரம் அல்லது மதினா அல்-நுபவி பள்ளிவாசல்களில் உங்களுக்கு விருப்பமான இடத்தைத் தேர்ந்தெடுக்கவும்.

​தகவல்களைப் பதிவிடுதல்: கோரப்பட்டுள்ள அனைத்து தனிப்பட்ட விபரங்களையும் துல்லியமாக நிரப்பவும்.

​ஒப்புதல்: நிபந்தனைகள் மற்றும் விதிமுறைகளை முறையாக வாசித்துப் பார்த்து அவற்றை ஏற்றுக் கொள்ளவும்.

​விழிப்புணர்வு வீடியோ:

இஃதிகாஃப் தொடர்பான கட்டாய விழிப்புணர்வு வீடியோவைப் பார்க்கவும்.

​விண்ணப்பத்தைச் சமர்ப்பித்தல்:

இறுதியாக உங்கள் விண்ணப்பத்தை உறுதிப்படுத்திச் சமர்ப்பிக்கவும்.

​முக்கிய குறிப்பு

​பதிவுகள் அனைத்தும் மின்-முறைமை (Electronic) வழியாக மட்டுமே நடைபெறும். இடங்கள் மிக விரைவாக நிரம்பிவிடும் என்பதால், முன்கூட்டியே பதிவு செய்யுமாறு அறிவுறுத்தப்படுகிறார்கள்.

​புனிதமான இந்த இறை இல்லங்களில் இஃதிகாஃப் இருக்கும் பாக்கியத்தை நமக்கும் உங்களுக்கும் அல்லாஹ் வழங்கி, நம்முடைய அமல்களை அங்கீகரிப்பானாக.