சவூதி அரேபியாவின் பட்டத்து இளவரசரும் பிரதமருமான இளவரசர் முஹம்மது பின் சல்மான் தலைமையில் நடைபெற்ற அமைச்சரவைக் கூட்டத்தில், அந்நாட்டின் தொழிற்துறை வளர்ச்சிக்கு ஊக்கமளிக்கும் வகையில் ஒரு வரலாற்றுச் சிறப்புமிக்க முடிவு எடுக்கப்பட்டுள்ளது.

முக்கிய அறிவிப்பு: கட்டணம் ரத்து

உரிமம் பெற்றுச் செயல்படும் தொழில்துறை நிறுவனங்களில் (Industrial Facilities) பணிபுரியும் வெளிநாட்டுத் தொழிலாளர்களுக்காக வசூலிக்கப்படும் ‘நிதிக் கட்டணம்’ (Expat Levy / Financial Fee) முழுமையாக ரத்து செய்யப்படுவதாக அமைச்சரவை ஒப்புதல் அளித்துள்ளது.

பொருளாதார மற்றும் மேம்பாட்டு விவகாரங்களுக்கான கவுன்சில் சமர்ப்பித்த பரிந்துரையின் அடிப்படையில் இந்த முடிவு எடுக்கப்பட்டுள்ளது.

முடிவின் நோக்கம் மற்றும் நன்மைகள்:

சவூதி அரேபியாவின் ‘விஷன் 2030’ லட்சியத்தின் கீழ், நாட்டின் பொருளாதாரத்தைப் பன்முகப்படுத்துவதில் தொழிற்துறை முக்கியப் பங்கு வகிக்கிறது. இந்தத் துறையை மேம்படுத்தத் தலைமைத்துவம் எடுத்துள்ள முயற்சிகளின் தொடர்ச்சியாக இது பார்க்கப்படுகிறது.

1. உற்பத்திச் செலவு குறைவு: இந்தத் தீர்வையை ரத்து செய்வதன் மூலம், தொழிற்சாலைகளின் இயக்கச் செலவு (Operational Cost) பெருமளவில் குறையும்.
2. போட்டித்திறன் அதிகரிப்பு: தேசியத் தொழிற்சாலைகளை வலுப்படுத்தவும், உலகச் சந்தையில் சவூதிப் பொருட்களின் போட்டித்திறனை (Global Competitiveness) அதிகரிக்கவும் இது உதவும்.
3. நிலையான வளர்ச்சி: ஒரு நெகிழ்வான மற்றும் போட்டியிடக்கூடிய தொழில்சார் பொருளாதாரத்தைக் கட்டமைக்கும் சவூதி அரேபியாவின் லட்சியத்தை அடைய இது வழிவகுக்கும்.

தொழிற்துற முதலீட்டாளர்கள் மற்றும் நிறுவனங்களுக்கு இது ஒரு மிகப்பெரிய நிவாரணமாகவும், மகிழ்ச்சியான செய்தியாகவும் அமைந்துள்ளது.

وزير الصناعة:

القرار سيخفض التكاليف التشغيلية في المصانع لتمكينها من التوسع والنمو وزيادة إنتاجها. https://t.co/U4078Bz8UV

— أخبار السعودية (@SaudiNews50) December 17, 2025