Admin
இஸ்லாமிய பல்கலைக்கழகம் மற்றும் சவுதி இஸ்லாமிய அமைச்சகம் இடையே வரலாற்றுச் சிறப்புமிக்க ஒப்பந்தம்.
மதீனா: கல்வி, ஆராய்ச்சி மற்றும் சமூக மேம்பாட்டுப் பணிகளில் புதிய மைல்கல்லை எட்டும் நோக்கில், மதீனா இஸ்லாமிய பல்கலைக்கழகம் மற்றும் சவுதி இஸ்லாமிய விவகாரங்கள், தஃவா மற்றும் வழிகாட்டல் அமைச்சகம் ஆகியவற்றுக்கு இடையே புரிந்துணர்வு ஒப்பந்தம் கையெழுத்தானது.
அறிவியல் மற்றும் ஆராய்ச்சி சார்ந்த ஒத்துழைப்பை வலுப்படுத்துதல், தொழில்முறைத் திறன்களை மேம்படுத்துதல் ஆகியவற்றை முதன்மை நோக்கமாகக் கொண்டு இந்த ஒப்பந்தம் உருவாக்கப்பட்டுள்ளது. மேலும், சமூகப் பணிகளில் ஒருங்கிணைந்து செயல்படுதல் மற்றும் நிலையான தாக்கத்தை ஏற்படுத்தக்கூடிய கூட்டு முயற்சிகளை முன்னெடுப்பது குறித்தும் இதில் விரிவாக ஆலோசிக்கப்பட்டது.
இந்நிகழ்வில் சவுதி இஸ்லாமிய விவகாரங்கள், தஃவா மற்றும் வழிகாட்டல் துறை அமைச்சர் மாண்புமிகு டாக்டர் அப்துல்லத்தீப் பின் அப்துல்அஸீஸ் ஆல்-ஷேக் மற்றும் பல்கலைக்கழகத் தலைவர் டாக்டர் சாலிஹ் பின் அலி அல்-அக்லா ஆகியோர் முன்னிலை வகித்தனர். இவர்களுடன் இரு தரப்பையும் சேர்ந்த முக்கிய உயர் அதிகாரிகளும் கலந்துகொண்டு சிறப்பித்தனர்.
