காஸா பகுதி மக்களுக்கு ஆதரவளிக்கும் சவுதி அரேபியாவின் தேசிய நிவாரணப் பிரச்சாரத்தின் ஒரு பகுதியாக, தங்குமிடக் கூடாரங்களை (Tents) ஏற்றிய புதிய நிவாரண வாகன அணிவகுப்பு காஸாவைச் சென்றடைந்தது. ‘மன்னர் சல்மான் மனிதாபிமான உதவி மற்றும் நிவாரண மையத்தால்’ (KSrelief) இந்த உதவிகள் வழங்கப்பட்டுள்ளன.

குளிர்கால ஆயத்தப் பணிகள் மற்றும் விநியோகம்:

வரவிருக்கும் குளிர்காலம், வெப்பநிலை வீழ்ச்சி மற்றும் மழைக்காலத்தைக் கருத்தில் கொண்டு, தங்குமிடங்களுக்கான தேவை அதிகரித்துள்ள நேரத்தில் இந்த உதவிகள் வந்து சேர்ந்துள்ளன. காஸாவில் களப்பணியாற்றும் ‘சவுதி கலாச்சாரம் மற்றும் பாரம்பரிய மையம்’ (Saudi Center for Culture and Heritage), போரினால் வீடுகளை இழந்த மற்றும் ஏற்கனவே உள்ள கூடாரங்கள் சேதமடைந்த மிகவும் பாதிக்கப்பட்ட குடும்பங்களைக் கண்டறிந்து இந்தப் புதிய கூடாரங்களை விநியோகிக்கும் பணிகளைத் தீவிரமாக மேற்கொண்டு வருகிறது.

கடுமையான மனிதாபிமான நெருக்கடி மற்றும் சவாலான வாழ்க்கைச் சூழல்களுக்கு மத்தியில் தவிக்கும் பலஸ்தீன மக்களின் துயரங்களைத் துடைப்பதற்கும், அவர்களின் அடிப்படைத் தேவைகளைப் பூர்த்தி செய்வதற்கும் சவுதி அரேபியா தொடர்ந்து மேற்கொண்டு வரும் மனிதாபிமான முயற்சிகளின் தொடர்ச்சியாகவே இந்த உதவிகள் அமைந்துள்ளன.