இஸ்ரேலிய குடியேற்றங்களுக்கு உதவவதில் 158 நிறுவனங்கள் ஈடுபட்டுள்ளன என ஐ.நா அறிக்கை

ஐக்கிய நாடுகள் சபையின் மனித உரிமைகள் அலுவலகம் ஒரு புதிய அறிக்கையை வெளியிட்டுள்ளது. இந்த அறிக்கையில், ஆக்கிரமிக்கப்பட்ட பாலஸ்தீனிய நிலங்களில் நிறுவப்பட்டுள்ள இஸ்ரேலிய குடியேற்றங்களில் வணிக நடவடிக்கைகளில் ஈடுபடும் 158 நிறுவனங்கள் அடையாளம் காணப்பட்டுள்ளன. சர்வதேச சட்டத்தின்படி இந்தக் குடியேற்றங்கள் சட்டவிரோதமானவை என்பது குறிப்பிடத்தக்கது.

செப்டம்பர் 26, 2025 அன்று வெளியிடப்பட்ட இந்த அறிக்கை, சட்டவிரோத குடியேற்றங்களைக் கட்டுவதற்கும் பராமரிப்பதற்கும் இந்த நிறுவனங்கள் வகிக்கும் பங்கை எடுத்துக்காட்டுகிறது. இது ஆக்கிரமிப்பின் யதார்த்தத்தை மேலும் வலுப்படுத்துவதோடு, பாலஸ்தீன மக்களின் மனித உரிமைகளை மீறுவதாகவும் உள்ளது.

நிறுவனங்களின் ஈடுபாட்டின் தன்மை

இந்த நிறுவனங்கள் ஈடுபட்டுள்ள செயல்பாடுகளை அறிக்கை பின்வரும் வகைகளாகப் பிரிக்கிறது:

உபகரணங்கள் மற்றும் பொருட்கள் வழங்கல்: குடியேற்றங்கள், பிரிப்புச் சுவர் மற்றும் அதனுடன் தொடர்புடைய உள்கட்டமைப்புகளின் கட்டுமானம் மற்றும் விரிவாக்கத்திற்கு உதவும் பொருட்களை வழங்குதல்.
கண்காணிப்பு மற்றும் பாதுகாப்பு சேவைகள்: குடியேற்றங்களுக்கு கண்காணிப்பு உபகரணங்கள் மற்றும் பாதுகாப்பு சேவைகளை வழங்குதல்.
இடிப்பு மற்றும் பறிமுதல்: பாலஸ்தீனியர்களின் வீடுகள் மற்றும் சொத்துக்களை இடிப்பதற்கான உபகரணங்களை வழங்குதல்.
நிதிச் சேவைகள்: குடியேற்றங்களின் வளர்ச்சி அல்லது பராமரிப்பை ஆதரிக்கும் கடன்கள் மற்றும் நிதிச் செயல்பாடுகளை வழங்குதல்.
இயற்கை வளங்களைச் சுரண்டுதல்: பாலஸ்தீனிய இயற்கை வளங்களான நீர் மற்றும் நிலத்தை வணிக நோக்கங்களுக்காகப் பயன்படுத்துதல்.
பராமரிப்பு மற்றும் ஆதரவு சேவைகள்: குடியேற்றங்களின் இருப்பையும் நிலைத்தன்மையையும் ஆதரிக்கும் சேவைகள் மற்றும் உள்கட்டமைப்புகளை வழங்குதல்.

பிரபலமான நிறுவனங்களின் பட்டியல்

இந்தப் பட்டியலில் 11 நாடுகளைச் சேர்ந்த நிறுவனங்கள் உள்ளன. இவற்றில் பெரும்பாலானவை இஸ்ரேலைச் சேர்ந்தவை. இவற்றுடன் அமெரிக்கா, ஐக்கிய இராச்சியம், பிரான்ஸ், ஜெர்மனி, கனடா, சீனா, நெதர்லாந்து, ஸ்பெயின், லக்சம்பர்க் மற்றும் போர்ச்சுகல் ஆகிய நாடுகளைச் சேர்ந்த நிறுவனங்களும் அடங்கும். அறிக்கையில் குறிப்பிடப்பட்டுள்ள சில முக்கிய நிறுவனங்கள்:

சுற்றுலா மற்றும் முன்பதிவுத் துறை:

Airbnb Inc. (அமெரிக்கா)
Booking.com B.V. (நெதர்லாந்து)
Expedia Group Inc. (அமெரிக்கா)
TripAdvisor Inc. (அமெரிக்கா)

தகவல்தொடர்பு மற்றும் தொழில்நுட்பத் துறை:

Motorola Solutions Inc. (அமெக்கரிக்கா)
Altice International Ltd. (லக்சம்பர்க்)
Bezeq, the Israeli Telecommunications Corp. Ltd. (இஸ்ரேல்)
Cellcom Israel Ltd. (இஸ்ரேல்)

கட்டுமானம் மற்றும் ரியல் எஸ்டேட் துறை:

Ashtrom Group Ltd. (இஸ்ரேல்)
Shapir Engineering and Industry Ltd. (இஸ்ரேல்)
Heidelberg Materials AG (ஜெர்மனி)
CEMEX, S.A.B. de C.V. (ஸ்பெயின் – அதன் கிளை வழியாக)

நிதித் துறை:

Bank Hapoalim Ltd. (இஸ்ரேல்)
Bank Leumi Le-Israel Ltd. (இஸ்ரேல்)
Bank of Jerusalem Ltd. (இஸ்ரேல்)

பிற நிறுவனங்கள்:

Siemens AG (ஜெர்மனி)
CAF, Construcciones y Auxiliar de Ferrocarriles, S.A. (ஸ்பெயின்)

சர்வதேச எதிர்வினைகள் மற்றும் நிலைப்பாடுகள்

பாலஸ்தீனியத் தரப்பு இந்தப் பட்டியலை வரவேற்றுள்ளது. சர்வதேச சட்ட மீறல்களில் நிறுவனங்களின் பங்கு குறித்து அவர்களைப் பொறுப்புக்கூற வைப்பதற்கான ஒரு முக்கிய படியாக இது கருதப்படுகிறது. இதற்கு மாறாக, இஸ்ரேல் இந்த அறிக்கையை “அரசியல்மயமாக்கப்பட்டது” என்று கூறி நிராகரித்துள்ளது.

ஐ.நா. மனித உரிமைகள் அலுவலகம், பட்டியலில் உள்ள நிறுவனங்களை வணிகம் மற்றும் மனித உரிமைகள் தொடர்பான ஐ.நா. வழிகாட்டுதல் கோட்பாடுகளுக்கு இணங்குமாறும், ஆக்கிரமிக்கப்பட்ட பாலஸ்தீனியப் பகுதிகளில் தங்கள் செயல்பாடுகளால் ஏற்படும் எதிர்மறையான விளைவுகளை சரிசெய்ய தேவையான நடவடிக்கைகளை எடுக்குமாறும் வலியுறுத்தியுள்ளது.

குறிப்பு: இந்தப் பட்டியல் ஐ.நா அறிக்கையில் குறிப்பிடப்பட்டுள்ள 158 நிறுவனங்களின் முழுமையான பட்டியல் அல்ல, மாறாக அவற்றில் சில முக்கியமானவற்றை மட்டுமே எடுத்துக்காட்டுகிறது.